隨著科技不斷進步，應用 3D 技術展示產品早已唔係咩新鮮事，尤其係地產、傢俬同提供裝修服務嘅公司中。但係每次輪到自己決定做唔做嘅時候，會唔會都覺得整 3D 展示好貴同難以實現，因此而卻步呢？ 其實，3D 商品展示可能比你想像中更加簡單！只需要一部手機就可以輕鬆完成。現時已經有多款 3D 掃描應用程式可以利用普通智能手機進行掃描並生成 3D 模型，無需深入的技術知識，只需幾個簡單步驟就可以將商品數碼化，讓顧客享受更真實嘅視覺效果。此外，坊間亦有唔少 3D scanning 嘅 Apps 可以選擇，方便商家根據自身需求選擇合適嘅工具。今日就一齊睇睇 3D 商品展示對網店有咩好處啦～ 增強視覺吸引力 沉浸式體驗：3D 展示讓顧客能夠從各個角度查看產品，提供更全面嘅視覺效果，增加咗購物嘅趣味性同互動性。例如，家具店如 Pricerite 嘅 App 就設有 AR 投影功能，可以將 3D 模型家具，投放至使用者家中查看效果。 細節展示：顧客可以查看產品細節，呢點對於需要展示細微工藝或材質嘅產品尤其重要。例如，腕錶品牌 Rolex 便使用 3D 商品展示其手錶嘅各個部分，讓顧客可以放大查看細節同精心嘅工藝。 提高購買信心 減少退貨率：顧客喺購買前能夠更清楚咁了解產品嘅外觀和尺寸，從而減少因為期望不符而退貨嘅情況。例如，Walmart 使用 AR 技術即時展示眼鏡，顧客可以從各個角度查看眼鏡配戴嘅效果。 真實感：3D 模型讓產品看起來更真實，增加咗顧客對產品嘅信任度，從而提高購買轉化率。例如，Apple 使用 3D 模型展示 iPhone 和 MacBook 等產品，讓顧客可以從各個角度詳細查看產品設計和功能。 個性化定制 自定義選項：顧客可以喺 3D 模型上應用不同嘅顏色、材質或配件，即時看到變化效果，提升購物嘅個性化體驗。例如，BMW 讓顧客選擇不同嘅材質同顏色，並即時查看最終效果。 即時反饋：顧客可以即時查看產品嘅效果，從而更快速地做出購買決定。例如，M.A.C 使用 AR 技術即時展示化妝品上色嘅效果同妝感，提供更豐富嘅產品互動體驗。 總結嚟講，3D 商品展示係提升網店競爭力嘅一大利器。無論你係大型品牌定係小型商店，都可以輕鬆應用 3D 技術，為顧客帶嚟更好嘅購物體驗。立即試下利用 3D scanning 功能，提升購物體驗到更高層次啦！

第一期的消費券經已派發，精明的消費者當然要留意不同商家推出的優惠，精明計劃，以最抵的買法入手最多的高質產品。每位家庭成員各有不同需要，要滿足一家大細，立即看看如何善用$2,000購入各式名牌人氣家電，包括Vidal Sassoon美髮電器產品、Cuisinart專業級廚房電器、Babyliss髮廊級美髮造型產品和美國Conair個人護理電器等，一次過滿足全家願望！而且這些品牌亦推出限時消費券禮遇，購物同時有機會額外獲贈$1,000禮券或半島酒店雙人下午茶等，以下教你如何「駛」得最精明！   精明入手4大名牌家電  提高生活質素 家電是不少人的消費券目標，但要讓消費券用得其所，必需嚴選家電中的高品質名牌，讓全家生活質素提升，延長消費券帶來的享受體驗。   Vidal Sassoon沙宣的美髮電器產品，旨在透過保持頭髮原本形態來展示自然美感。當中新推出的「沙宣Moistwrap™等離子水膜系列」，採用等離子水膜護髮技術，同時釋放大量正、負離子，在髮絲上形成一層「等離子水膜」，能夠滋潤秀髮，防止水分流失；加上獨特的「空氣聚流通道」，將空氣中更多水分帶給頭髮，尤其備受日本女性網民熱捧！   如遇重要場合要好好打扮，則可用上法國Babyliss的專業美髮造型電器產品。Babyliss是歐洲頂級髮廊愛用的第一領導品牌，擁有150年專業設計經驗，也是歐洲各大時裝秀的指定美髮造型工具。當中Babyliss「微控加熱無線頭髮造型器」，是首款結合微秒加熱技術和無線操作的造型器，讓你在家打造出髮廊級造型。   除了打造時尚造型的家電，廚具用品就最適合熱愛烹飪的你，美國第一廚房家電品牌Cuisinart有超過60年的歷史，以領先科技創製的Cuisinart食物處理器推出後迅即成為每個家庭不可缺少的廚房好幫手。現在的食物處理器已進化成無線的版本，包括無線專業級手提式攪拌機和無線攪拌機等，減少煮食的工序，輕鬆煮出美味飯菜。    要打理家頭細務當然不能缺少家居電器的輔助，美國最大個人護理電器製造商Conair提供全面的家庭健康產品及美容產品等。美國銷售NO.1的Conair手提式蒸氣掛熨機採用先進除味除垢蒸熨技術，強力嘅蒸氣有效去除衣物上嘅異味，還可以殺死塵蟎等致敏源，有效殺菌達99%。   至抵買法 $2,000買齊3樣名牌人氣家電 滿足全家人需要 以上四大家電名牌，高品質之餘性價比甚高，只要精明配搭，只需$2,000消費券就可一次過享有！例如：   買法一：免夾單免補錢 即買３件電器 產品: VS等離子水膜護髮風筒 VSP-1200PIH （建議零售價$699） Moistwrap等離子水膜科技：同時釋放大量正、負離子，在頭髮表面形成「等離子水膜」，令頭髮保持水潤順滑   VS等離子水膜兩用造型器VSP-3290PIH（建議零售價$699） Moistwrap等離子水膜科技：同時釋放大量正、負離子，在頭髮表面形成「等離子水膜」，令頭髮保持水潤順滑   Conair醫院專業級電子探熱槍 ITH93（建議零售價$499） 簡單操作，一鍵快速讀取°C /°F體溫   =$1,897 *產品價格僅供參考，實際價格以零售商價格為準。   買法二：補貼$696入手更多元化家電 BaByliss粉紅色直髮器 2498H（建議零售價$899） 配備鈦金屬陶瓷塗層面板，造型時流暢滑動   2.Cuisinart無線專業級手提式攪拌機RHB100U（建議零售價$999） 適用於混合湯、醬汁、冰沙、雞尾酒、生奶油、麵糊及蛋白霜。只需簡單地安裝一個迷你切碎器，即可加快日常煮食程序。   Conair手提式蒸氣掛熨機 CGS38H（建議零售價$798） ⼀鍵式加強蒸氣輸出量，可持續輸出勁強蒸氣⾼達每分鐘20克。40秒快速加熱，自動持續輸出蒸氣 *產品價格僅供參考，實際價格以零售商價格為準。   =$2,696    有獎遊戲：上傳收據隨時再額外賺多$1,000 各品牌更推出有獎遊戲，讓你買到心儀商品之餘，更有機會贏得精彩獎賞！顧客以AlipayHK、八達通、Tap & Go或WeChat Pay於零售商消費券購買這些品牌的任何產品，即可參與有獎遊戲，隨時贏走豐富禮品。以下是四大名牌家電的獎品詳情：   Vidal Sassoon 由8月13日至9月13日，顧客以指定的消費方式於零售商購買任何Vidal Sassoon沙宣美髮電器產品，憑電子購物單據，即可參加品牌Facebook的有獎遊戲，有機會贏取$1,000超市禮券。   Cuisinart 由8月13日至9月13日，顧客以指定的消費方式於零售商購買任何Cuisinart產品，憑電子購物單據，即可參加品牌Facebook的有獎遊戲，有機會贏取半島酒店經典二人下午茶禮券。   Babyliss 由8月13日至9月13日，顧客以指定的消費方式於零售商購買任何Babyliss產品，憑電子購物單據，即可參加品牌Facebook的有獎遊戲，有機會贏取專業理髮護理療程禮券（價值$1,000）。   Conair 由8月13日至9月13日，顧客以指定的消費方式於零售商購買任何Conair產品，憑電子購物單據，即可參加品牌Facebook的有獎遊戲，有機會贏取$1,000家品電器禮券。   條款及細則: ・優惠受條款及細則約束 ・品牌保留最終決定權   品牌資料： Vidal Sassoon沙宣美髮電器產品 Facebook：https://www.facebook.com/ToolsOfVS 產品於各大零售商有售，包括Fortress、Logon、Citistore、SOGO、Suning、Aeon、JHC、Gilman   Cuisinart Facebook：https://www.facebook.com/Conair-Hong-Kong-266725390431782/ 產品於各大零售商有售，包括SOGO、Fortress、Citistore、Gilman   BaByliss Hong Kong Facebook：https://www.facebook.com/BaBylissHK 產品於各大零售商有售，包括SOGO、Fortress、Citistore、Aeon、Gilman   Conair Hong Kong Facebook：https://www.facebook.com/Conair-Hong-Kong-266725390431782 產品於各大零售商有售，包括Fortress、Citistore、Aeon、Suning、Gilman   #消費券 #購物 #Conair #Conairhk #Vidalsassoon #Vidalsassoonhongkong #Babyliss #Babylisshk #Cuisinart #Cuisinarthk #廚具用品 #理髮用品 #頭髮造型 #小型家電 #從頭開始 #敢試敢型 #著數 #jetso #香港著數 #優惠  

404 Not found 大家就見得多，但 HTTP 狀態碼又點止呢一種？唔講唔知 HTTP 狀態碼原來同SEO優化息息相關～想要網站係搜尋引擎中有個好排名，了解呢3種常見狀態碼可以幫到您～ 301 Redirect 網站永久搬家 使用 301 Redirect 係將原有嘅網站遷移至新網域，遷移嘅唔單止係網站嘅網址、仲包括舊有網站嘅流量、頁面權、同搜尋排名。就好似人搬屋要登記返新住址咁，301 Redirect 就係通知返搜尋引擎網站最新嘅住址。 302 Redirect 網站暫時性轉移 302 Redirect 雖然都係將原有網站自動轉接到另一網站，但就唔會繼承埋原有網站嘅頁面權同搜尋排名。比較適合短期嘅網站改動，例如係限時宣傳 / 網站維護 / 語言轉換 / 同 A/B Test等。 404 Not Found 網站錯誤訊息 當使用者到訪網站，但伺服器無法回應嘅時候，就會出現HTTP 404或者Not Found嘅錯誤訊息。404常見嘅原因包括，使用者入錯咗網址、網站死Link、網站搬咗但係無用到301Redirect返最新嘅網址、死Server等。雖然404錯誤訊息唔計入網站排名嘅一部分，但如果唔及時搵到錯誤嘅原因，都會導致網站被降權，長遠對網站產生負面影響。

為品牌設計吉祥物，並唔係啲咩新鮮事，但佢所帶嚟嘅效益絕對唔可以睇小。佢可以線條簡單、造型可愛、亦可以醜醜怪怪，令人發笑，唯一嘅共通性係都會令到人印象深刻。究竟吉祥物營銷點解可以咁歷久不衰？一齊了解一下，吉祥物營銷嘅六個好處啦～ 1)增加品牌親切感 把品牌形象化變成一個角色，再用角色嚟同顧客溝通，令資訊傳遞嘅過程變得更加生動同有溫度。尤其現時社交媒體變成必不可少嘅行銷工具，用吉祥物嚟同顧客溝通，可以拉近與顧客之間嘅距離感。例如係心橋兒童發展計劃咁，就透過爸爸、媽媽、仔仔、囡囡呢一家人嘅角色，向家長傳遞正確育兒資訊，令資訊性嘅內容都變得切身同有趣。 2)成為感情鏈結嘅橋樑 吉祥物可以陪伴觀眾成長，好似身邊有一個真實存在嘅好朋友咁，例如係 Viutv 嘅 Sound bear 終於由一個普通員工晉升到高層，再喺全民造星裡面用權力請咗 Sound Choice，返嚟做 ViuTV 新一代吉祥物。 3)建立品牌正面印象 吉祥物以品牌精神作為準則度身訂造，顧客可以好似認識一個新朋友咁，透過隻吉祥物增加對品牌嘅認識同印象。例如係環境局嘅大嘥鬼咁，表現嘅精神係要珍惜資源、減廢同慳電​​。 4)為產品營銷提供助力 吉祥物可以成為便捷嘅宣傳方式，例如當有新產品推出、發佈新消息或優惠時能直接使用吉祥物作為Key visual (主視覺)嘅一部份，節省聘請明星代言人或Kol嘅費用，亦能令品牌形象立體化，為顧客創造嶄新嘅視覺體驗。 5)成為一個獨立IP 當吉祥物擁有一定知名度後，更可發展成一個獨立嘅品牌，發行周邊產品 ，或者與其它品牌合作，共同探索新商機！ 6)增強凝聚力 虛擬人物除咗可以作為公司嘅吉祥物之外，有時亦都可以應用喺客人身上。呢種情況更適合經營個人品牌嘅自媒體，例如係為自己同粉絲制定虛擬角色，令粉絲更有凝聚力。另外，當客人唔方便露面嘅時候亦可以使用虛擬角色代替客人照片，分享使用產品嘅感受，增強分享意欲。例如 Pharmabelle 就運用咗3幅插畫，代替客人照片，分享返防曬霜嘅用後感。 設計吉祥物/虛擬角色好處多多，大家仲有冇諗到其他未例舉出嘅例子/好處呢？

聖誕節，普天同慶，為 beloved 準備禮物、聖誕餐，普通朋友、泛泛之交就 send 個 sticker，尊敬的長輩就送實體聖誕咭，咁送咩俾工作夥伴好呢？   電子聖誕咭，最啱送俾有工作關係的人，包括客戶、供應商、partner，甚至同事，主要原因係，ecard 平，用少少時間就可 send 晒俾佢哋，慳水慳力慳時間，而又俾到 blessing 佢哋，而呢個 blessing 即時 delete 都無內疚感，唔似實體聖誕咭，點都擺陣先，阻住啲位。   如果你鍾意尖東的聖誕氣氛，呢個電子咭網就適合你嘞   https://business-ecard.com/index.php?item_code=CX   咭網售賣的聖誕咭設計懷舊，八九十年代感重，CX1365 CX1329 呢兩張咭咁，將成個尖東呈現眼前。咭網有部份設計似初小學生 style，老師送俾學生，佢哋應該幾鍾意，CX1445 帶禮物環遊世界，CX1470 雪人say hi。 電子咭有動畫和音樂，俾齊 ecard features，交足功課。唔識用電腦的人收到，應該以為高科技聖誕咭嚟。高科技不特止，電子聖誕咭仲要環保，通常大公司都鍾意環保。   芸芸懷舊同兒童設計中，CX1531 幾出眾，背景音樂舒服，唔似其他背景音樂燒炮仗咁，動畫又舒服，一層層由下以上出現，設計又有空間感，睇到個腦鬆一鬆，幾有水準。

Together we vaccinate~ Together we vaccinate~ 近日電視成日出現機管局戴歌戴舞的廣告，廣告拍到好似80年代小虎隊咁，又有活力又懷舊，都幾突出。 臨近中秋節，想搵啲嘢送俾客，送月餅太貴，而且高脂高膽固醇，少食為妙。 上網搵又平又靚兼唔會影響健康的嘢送，電視又嚟 Together we vaccinate~ 睇住機管局一眾職員跳老舞，真係幾得意。 繼續上網，睇見有個 ecard 網站提供多款中秋節賀咭，咭的風格同機管局廣告幾相似，幾啱睇小虎隊大的老板口味。賀咭有幾款以香港景色作設計，放埋煙花，讓老板回味香港的璀燦，公司在香港的黃金歲月。仲有幾張咭款以白兔作設計，攞住支叉，又喺月餅盒入面，勾起客人喺歐洲食兔肉的回憶，喺歐洲旅行的經歷。 一張賀張 $600 有找，可以 send 晒俾我一千個客，而且 $0.6 成本就為客人帶來美好回憶，難得！ 最後柯打維港景色放煙花 CM1010，因為諗起首詞： 眾里尋他千百度，驀然回首，那人卻在，燈火闌珊處。 ecard 網站：https://business-ecard.com

Entering the year of the tiger, let's impress clients by sending your best wishes with the animated CNY Ecard. It might help you create more job opportunities and work closely with your client. If you want to greet your clients in a special way, rather than "Kung Hei Fat Choy"? Contact us now! We have various types of CNY greeting Ecard, making your business stand out. 動畫電子賀卡：http://www.business-ecard.com 如有查詢，歡迎聯絡我們。

星期五，港隊坐開蓬巴士出巡，感謝市民支持，政府舉行頒發證書典禮，歡迎佢哋凱旋回歸。典禮上，何詩蓓講正能話，鼓勵大家要堅持夢想。及後，她出席商場活動，又講正能話，鼓勵大家堅持夢想。及後，她出席教會活動，鼓勵大家堅持夢想。原本chill過的週末，都被正能話填滿，精神亢奮。 歌手 serreni 話自己唔鍾意cheap的正能量，心諗，咩叫cheap，正能量就是正能量，職業就是職業，無分貴賤。有次睇到本書講「樂觀」同「理性樂觀」是不同的，噢really? 一向覺得樂觀就是樂觀，點知有啲人覺得樂觀都有唔同，咁複雜。 前壹傳媒創作總監畢明話，塵世痛苦做人難。既然身處環境已經咁難，仲有需要將正能量、樂觀分得咁細，複雜化件事，自尋煩惱嗎？簡簡單單講句話出嚟，出 soundbite，一聽就明，唔駛時間諗，快靚正，符合香港節奏。 Awesomeplus App 就掌握到香港的脈博，其吉祥物 Awesome 講的正能量簡單易明有鼓勵性，傷心時看一下，即時得到安慰。部分正能話來自日本企業家稻盛禾夫的經營理念，吸取成功人士的做事心得，人生層次都獲得提升。 據了解，Awesomeplus App來自 Facebook 同 Messenger 分離產生的不便而來，即為解決不便而誕生。App 除可通訊，亦可分享資訊、新聞fact check、捐款、購物、遊戲，方便得嚟多功能，又可捐錢，可將消費回贈返嚟啲錢捐出去，取諸消費用於社會是美德。 「Awesome的意思是厲害，而Plus就有加的意思，加在後方是想表達出比Awesome更好的意思」Awesomeplus 稱。well，如果要比好更好，就可能有需要複雜化件事，「樂觀」好，「理性樂觀」更好，因為「理性」都係好，「理性樂觀」就有兩個好，比好更好。但「樂觀」同「理性樂觀」有咩唔同呢？廿個字解釋到個個都明，都幾難諗。 「比好更好」難做，而開開心心消費玩，同家人朋友歡樂渡週末，用 Awesomeplus 開 private chatroom 傾下計，就簡單又開心。但實踐「比好更好」有好處： 「努力未必達成理想，但堅持必有收獲。」何詩蓓。 Do you understand?

EDM 值得經營嗎？ 早前提到顧客喺網店購物嘅過程中，容易出現延遲消費嘅情況，而且購物車被放置嘅情況非常常見。因此，攞到顧客嘅Email聯絡方式並保持聯絡，建立同顧客之間嘅關係就變得非常重要，有助於完善潛在客戶名單。如果大家啱啱開始經營 EDM，可能未必第一時間就會投放大筆資源，建議善用網上商店平台內建嘅 EDM 功能，例如： Shopify Email 就係一個唔錯嘅選擇。無論你係由零開始建立 Email List 定係網店新手，今日 YSD 會分享4個好方法，助你輕鬆收集顧客嘅 Email。 方法一：贈送限定優惠 訂閱電子報並贈送限定優惠，係最簡單直接嘅做法，試問有邊個人可以抵抗到優惠嘅吸引力呢？呢一招適用於各行各業的商品或服務，不論規模大小，都能夠應用。 方法二：獨家預購權利 當你準備推出與熱門名人/IP合作嘅限定產品，或是推出長期暢銷產品嘅特別版時，由於產品本身已經有一定的熱度，所以不需要額外嘅優惠來帶動增長。在呢個情況下，網店可以考慮利用呢啲產品，創造額外嘅價值，例如透過提供獨家預購權利給予訂閱電子報嘅顧客，收集顧客Email。 方法三：獲取免費教學 如果以上方法都唔係咁啱你，其實有個更好嘅方法，唔需要你提供實際折扣之餘，同時可以Target 到真正對呢類型商品感興趣嘅Audience進行定向推廣，就係提供與你產品/服務有關嘅免費小教學。你可能會覺得呢類教學，只係適用係教育相關嘅網店，但事實上，各行各業都有啲實用嘅知識可以吸引對呢類商品感興趣嘅顧客。例如：服飾零售可以提供每期最新潮流服飾搭配嘅教學，這不但可以為店內產品賣廣告之餘，仲可以吸引顧客留低 Email 訂閱電子報。 方法四：參與有獎小遊戲 嫌上面啲方法都係稍微缺乏新意？用有獎小遊戲來吸引作為招徠，並收集顧客嘅 Email，然後玩遊戲贏獎品，係一個既簡單得嚟又具有有新意嘅方法。如果你係 Shopify 嘅用戶，Shopify App Store 有唔少 App 都可以輕鬆簡單咁為你網店製作到幫你收集顧客 Email 嘅有獎小遊戲，例如係幸運輪盤、夾公仔、有獎問答等等。呢啲小遊戲可以增加顧客同品牌之間嘅互動，係一種令人留下深刻印象的好方法。

cashless payment 嚟講，visa master 有各式各樣的回贈，現金、cashdollar、yuu、虛擬token...，八達通就有車費回贈，alipay wechat pay有優惠劵。而現金除咗旺角買電子產品平啲，平時就咩優惠都無，如果有得揀嘟 visa master 都唔嘟而要俾現金，真心唔知咩 logic。 「買個麥當奴餐 $40，就算嘟 master 攞到 welab bank 3% 回贈，都係得$1.2啫，好多咩。」 $1.2，可以用嚟捐款，幫助社會有需要的人，或者買虛擬貨幣，體驗貨幣世界新形態，前者對社會有貢獻，後者學習到新事物，$1.2 的價值唔細，值得攞。今日起，多用 cashless pay，攞盡優惠！ 「ok，咁我少啲俾現金，嘟轉數快啦。」 轉數快呢個劃時代程式，讓你喺電話將錢轉來轉去，無手續費，呢種方便就係 fintech 的莫大好處。但嘟轉數快買嘢同俾現金一樣，無乜優惠，但視佢為現金cashless版，唔記得帶錢時就有用。eurogogo 咁，只收現金、alipay、轉數快，行過突然想食焗薯茸，無 alipay 又無現金，嘟轉數快就得嘞。