Onward Daily

Advertising

Advertising

打造沉浸式購物體驗🛍，3D商品展示可能比你想像中簡單😆！？

隨著科技不斷進步，應用 3D 技術展示產品早已唔係咩新鮮事，尤其係地產、傢俬同提供裝修服務嘅公司中。但係每次輪到自己決定做唔做嘅時候，會唔會都覺得整 3D 展示好貴同難以實現，因此而卻步呢？其實，3D 商品展示可能比你想像中更加簡單！只需要一部手機就可以輕鬆完成。現時已經有多款 3D 掃描應用程式可以利用普通智能手機進行掃描並生成 3D 模型，無需深入的技術知識，只需幾個簡單步驟就可以將商品數碼化，讓顧客享受更真實嘅視覺效果。此外，坊間亦有唔少 3D scanning 嘅 Apps 可以選擇，方便商家根據自身需求選擇合適嘅工具。今日就一齊睇睇 3D 商品展示對網店有咩好處啦～增強視覺吸引力沉浸式體驗：3D 展示讓顧客能夠從各個角度查看產品，提供更全面嘅視覺效果，增加咗購物嘅趣味性同互動性。例如，家具店如 Pricerite 嘅 App 就設有 AR 投影功能，可以將 3D 模型家具，投放至使用者家中查看效果。細節展示：顧客可以查看產品細節，呢點對於需要展示細微工藝或材質嘅產品尤其重要。例如，腕錶品牌 Rolex 便使用 3D 商品展示其手錶嘅各個部分，讓顧客可以放大查看細節同精心嘅工藝。提高購買信心減少退貨率：顧客喺購買前能夠更清楚咁了解產品嘅外觀和尺寸，從而減少因為期望不符而退貨嘅情況。例如，Walmart 使用 AR 技術即時展示眼鏡，顧客可以從各個角度查看眼鏡配戴嘅效果。真實感：3D 模型讓產品看起來更真實，增加咗顧客對產品嘅信任度，從而提高購買轉化率。例如，Apple 使用 3D 模型展示 iPhone 和 MacBook 等產品，讓顧客可以從各個角度詳細查看產品設計和功能。個性化定制自定義選項：顧客可以喺 3D 模型上應用不同嘅顏色、材質或配件，即時看到變化效果，提升購物嘅個性化體驗。例如，BMW 讓顧客選擇不同嘅材質同顏色，並即時查看最終效果。即時反饋：顧客可以即時查看產品嘅效果，從而更快速地做出購買決定。例如，M.A.C 使用 AR 技術即時展示化妝品上色嘅效果同妝感，提供更豐富嘅產品互動體驗。總結嚟講，3D 商品展示係提升網店競爭力嘅一大利器。無論你係大型品牌定係小型商店，都可以輕鬆應用 3D 技術，為顧客帶嚟更好嘅購物體驗。立即試下利用 3D scanning 功能，提升購物體驗到更高層次啦！

想整活動網站但無靈感? 不妨參考以下4個案例！

活動網站案例分享上次同大家分享咗為 Event 整網站嘅 4 個好處。嚟緊盛事「一浪接一浪」，想把握時機提升品牌知名度？不如一齊睇下我哋過往嘅作品，激發創意與想像，睇下邊種 Event 網站最啱你～協康會 60 週年活動網站成立於1963年，協康會一直致力於幫助不同能力嘅兒童及青年盡展潛能，促進家庭健康，共同創造平等共融嘅社會。為慶祝 60 週年呢個特別嘅日子，協康會設立了 60 週年活動網站，呢個網站運用咗鮮明嘅顏色，並配以大量插畫，既有吸引力又富有童真的特色，與服務對象相呼應。 https://60.heephong.org/ 港大醫學院 2023 本科生招生網站港大醫學院係世界知名嘅高等教育學府，培育大量的人才，為醫學發展作出了巨大的貢獻。為咗畀應屆考生，可以更全面地了解港大醫學院嘅招生資訊，特別設立了本科生招生網站。呢個網站運用咗簡嘅配色和Flat Mosaic嘅版面設計，配以橫向捲軸。既具有現代感嘅同時，亦建構出專業嘅氛圍。。 https://hkumed-ugadmissions.hku.hk/home#_start 教育局 2024及2025學年內地高教展 (網路博覽會) 由國家教育部和教育局聯合舉辦的2024/25學年內地高等教育展，於上年十二月二日，一連兩日喺香港舉行。為有意赴內地升學嘅學生及其家長介紹，內地大學招收香港中學文憑考試學生計畫（文憑試收生計畫）嘅各項安排。呢個網站更特意模仿真實場景，展出咗138間內地高等院校嘅相關升學資訊，猶如親臨展覽。 https://www.studymainland.hk.w24.ysdhost.com/ SPCA X 位您寵 Provet 萌星汪汪耀海濱由「愛護動物協會」與「位您寵」合辦的萌星汪汪耀海濱活動，於中秋節舉行，令活動更添意義。是次活動網站以「奔月之旅」及「登陸萌星」為主題。我們設計咗一個火箭發射向天空嘅活動網站，採用咗從下到上嘅捲軸設計，並搭配了大量嘅動畫效果，非常吸引人的眼球。特別設計嘅捲軸功能有助於清晰地列舉網站左右兩側的活動資訊。除咗可以細閱場地資訊外，仲可以親自上傳自家愛寵照片參與遊戲，帶來豐富的互動體驗！ https://dev14.ysdhk.com/spca/mid-autumn2021/v07/

【「搞Event」要唔要整網站🤔？不妨參考以下4點！🌟 】

隨住越嚟越多線下活動、博覽會、展覽會等逐漸正常復甦，品牌為咗增加人流嘅同時，線上推廣當然少不了。YSD以往替大大小小嘅企業、學校等制作有關線下活動嘅網站，除咗有效令品牌知名度提升外，仲有以下等等嘅好處㗎！提供資訊和宣傳：活動網站(Event Website)可以成為宣傳活動的重要平台，提供活動的詳細資訊，例如日期、時間、地點、票價、活動內容等等。透過網站，參加者就可以輕鬆獲取活動相關嘅重要資訊，仲可以線上以連結分享畀朋友或社交平台上，從而增加活動的知名度和參與度。假如活動有任何變化或更新，網站都可以快速更新訊息！在線報名和註冊：提供在線報名和註冊的功能，讓參與者可以輕鬆地報名參加活動。除咗提高報名嘅便利性，仲可以節省時間和紙張。同時，網站亦可以收集報名者資訊，方便品牌進行後續嘅溝通和管理。與合作夥伴和贊助商合作：活動網站(Event Website)可以提供合作夥伴和贊助商的合作機會。透過網站，品牌可以展示合作夥伴和贊助商嘅Logo、連結及相關信息等，為其提供更多品牌曝光機會，有助於增加合作夥伴和贊助商的利益，同時也為活動提供更多的資源和支援。數據分析和追蹤：活動網站(Event Website)可以收集及分析參與者嘅數據，例如訪問量、報名情況、參與者的屬性等等。呢啲數據可以幫助品牌了解活動的效果、參與者的喜好和行為，從而做出更好的策劃和改進。此外，透過追蹤和分析，品牌仲可以評估網站嘅效能，方便進行優化使用者體驗等，提高網站效果表現！

正在計劃Revamp網站嗎💻？5個原因話你知越快開始越好👍🏻！

進入2023Q4，眼見網店市場越趨激烈，有無諗過透過Revamp網站嚟提升競爭力呢？等YSD話你知以下呢5個Revamp網站嘅好處，正在計劃Revamp網站嘅你，不妨參考一下～ 1. 提升使用者體驗：網站改版可以著重於提升使用者體驗，令網站更易於導航，更具互動性！Revamp後可令網店訪問者更容易搵到佢所需要嘅產品或信息，甚至簡化購買流程，有效提高轉換率！ 2. 增強品牌形象：網站改版可以使品牌形象更加現代化和專業化。通過更新設計風格、使用新嘅品牌標誌和色彩方案等，網站可以更好地展示品牌的價值觀及個性，從而增強品牌形象。 3. 優化SEO和搜索排名：網站改版可以包括對內容及結構進行優化，以提高搜索引擎優化（SEO）和搜索排名。呢個舉動會令網站更容易喺搜索結果中被找到，吸引更多的有潛力的客戶或訪問者。 4. 提供更多價值和功能：改版後的網站可以引入新的功能和服務，以提供更多價值畀使用者。例如添加個人化用戶體驗、社交媒體整合、提供多種客戶支援方法例如即時聊天等，這將使網站更具吸引力並滿足不同類型的使用者需求。 5. 加強安全性和可靠性：改版網站可以加強安全性及可靠性，以確保使用者嘅數據和隱私得到保護。包括更新網站嘅安全防護措施、加密敏感信息、定期備份數據等。這將建立使用者對網站嘅信任，提高用户對網站互動嘅舒適感～總結，Revamp網站可以提供更好嘅使用者體驗、增強品牌形象、提高搜索排名、提供更多價值和功能，同時增強安全性和可靠性等好處。呢啲好處將有助於吸引更多訪問者並轉化為忠實嘅用戶或顧客，進而促進業務的增長和成功！

長遠帶動人流，5個網店需要知道嘅小技巧🤩

長遠帶動人流不是不可能！？每當提到為網店增加人流、發掘潛在客人嘅時候，可能大家第一時間諗到嘅都係用廣告宣傳。雖然呢個的而且確係一個可以快速達到目標嘅好方法。但長遠落去對荷包都可能係一個唔細嘅負擔。想要唔傷荷包之餘有穩定嘅人流增長？秘訣在於建立有機流量 (Organic Traffic)。簡單嚟講，有機流量即係唔經付費廣告而訪問網站嘅人流。今次我哋將會分享點樣透過 Upgrade SEO 為網店建立有機流量嘅五個小技巧。技巧1：建立你嘅Google Business Profile 一個簡單又超有效嘅方法。只需喺 Google My Business 上註冊你嘅業務，除咗可以增加你嘅網站曝光度之外，令人更容易搜尋到你；仲可以展示你網店提供嘅產品同服務，直接增加銷量。技巧2：多引用關鍵字為咗可以喺眾多競爭對手當中脫穎而出，準確運用關鍵字並編寫高質素內容非常重要。無論係產品簡介、品牌故事還是部落格文章(Blog)，準確地運用關鍵字，都會帶嚟一個不一樣嘅效果。想準確運用關鍵字，可以參考 Google Search 下面嘅相關搜尋結果、或者係用 Google 嘅 Keyword Planner 等工具。技巧3：優化URL結構除了網頁內容嘅優劣會影響到網站嘅搜查排名外，URL嘅命名原來都非常重要。網址應該能夠簡潔地描述頁面內容，令使用者同搜尋引擎都可以透過網址，大概知道裡面嘅資訊，提供更佳嘅使用體驗。技巧4：優化網站速度正所謂天下武功唯快不破，網站速度係用戶體驗中的關鍵因素，亦喺最容易測量到嘅標準之一。Google 非常重視用戶體驗，所以網站速度會直接影響你嘅網站喺搜尋排名中的表現。坊間有不少工具，可以客觀地量度網站速度，例如是 Google 官方所開發嘅工具 Google Page Speed Insight，除了量度網站速度之外，更會提供最佳化建議，等你可以逐步優化網站速度。技巧5：撰寫推廣其他品牌/產品嘅文章你可以揀一啲你喺網店中售賣緊嘅品牌/產品，撰寫推介文章，借用人哋嘅人氣來增高你嘅網站曝光率。同時，對方亦會因為你嘅大好評而增加銷情，實現互惠互利的效果。

O2O業務轉型新商機

把握數碼轉型大趨勢BBMSL x HKBNES x BOXS 下午茶研討會O2O 業務轉型新商機：IT解決方案體驗想幫公司數碼轉型，但無從入手？我們將與 BOXS 及香港寬頻企業方案 HKBNES 合辦下午茶研討會，讓零售及餐飲商戶現場體驗各種最新 IT 解決方案，教您以最低成本把業務數碼轉型，輕鬆提高銷售額！請立即點擊下列連結報名！O2O 業務轉型新商機：IT解決方案體驗‣日期：Jun 28, 2023（星期三）‣時間：3:00pm - 5:00pm （2:45pm開始登記）‣地點：Meta Stage 十八夢 (銅鑼灣登龍街18號 V Point 6樓)‣對象：零售及餐飲業‣語言：廣東話‣費用：免費活動名額有限，需獲得由主辦單位發出的確認電郵方視為成功登記。立即免費報名如有任何疑問，請 Whatsapp (https://wa.me/85259853848) 或電郵至 marketing@bbmsl.com 查詢。

Advertising

網店客服需求急速上升💁🏻‍♀️？想提升客服質素但又唔知點做？留意下文5點！

提升客服質素出奇制勝相信消費券熱潮唔多唔少都為網店帶來一定程度嘅需求刺激，面對網店競爭有增無減，到底點樣可以脫穎而出，增加競爭力？網店不妨多喺消費者嘅角度出發，由提升客服質素開始，讓消費者有嶄新嘅購物體驗，留下美好印象開始。根據調查，顧客對網店嘅期望同客服嘅需求持續上升，76% 嘅顧客都期望會有良好嘅客戶服務，提供到快速嘅回應，而市面上僅僅 26% 嘅網店達到顧客嘅期望。今日就睇睇點樣可以優化客服質素，提升顧客對品牌嘅忠誠度啦～提供真誠嘅服務有危便有機，當面對客戶投訴嘅時候，往往係網店可以展示人性化同真誠一面嘅時候。根據調查顯示，有 8 成顧客都希望商戶可以更加坦誠。雖然作為網店有好多層面都未必可以直接控制到，例如係貨廠出貨、運輸過程上出嘅問題咁。當面對呢啲意外，客服宜誠實地回應客人，給予客人一個大致嘅預期，等客人可以放心。當商戶主動坦誠地說明情況，面對意外時，客人都會更願意信任網店。提供多種聯絡渠道除咗電話、電郵之外，即時通訊軟件例如係 WhatsApp / Signal 可以話係目前最多人使用嘅通訊方式。網店宜為品牌設立 WhatsApp 或其它即時通訊軟件，令客人更方便可以即時聯絡到你。提高回應速度當唔係面對面溝通嘅情況時，回應嘅速度必須要下功夫。因為消費者嘅消費意願，同客服回應嘅速度係成正比的，當客服回應速度越慢，客人往往會因此而流失。當然，追求快速嘅回應，勢必會增加前線同事壓力，亦會增加企業成本。因此設置自動回覆爭取時間，就非常必要。網店可設置自動回覆如：而家正在著力處理緊該問題，請客人稍後，或者喺休息時，提供營業時間讓客人知道大概幾時會收到回覆。提供個人化服務根據調查顯示，當網店提供個人化服務，有 86% 客人會更願意回購，同時 97% 嘅客人會更願意推介給別人，有助建立品牌良好口碑。提供個人化服務，其實無想像中咁困難，網店可以由稱呼客人嘅姓氏或名字開始，亦可以利用網店嘅記錄，了解客人常買嘅心頭好，為佢哋提供個人化嘅推廣/優惠，缺貨時亦可以設置回貨提醒，提醒客人購買。設置 AI Chat Bot AI Chat Bot 雖然無人類客服咁人性化，但係回應速度方面絕對完勝人類。加上喺一啲常見問題上面，客人更傾向於自己尋找解決方法，多過搵客服。所以有 AI Chat Bot ，為客人列出一啲常見問題，提供最即時嘅幫助，可以減輕前線同事壓力之餘，亦可以令客人係購物過程更加自在。YSD現提供 AI Chat Bot 免費3個月試用期。客制化嘅AI Chat Bot 除咗可以設置常見問題、24小時自動回覆之外，更可以建立專屬嘅聊天機械人外觀，令品牌形象更突出，有興趣歡迎把握優惠期，Contact我哋啦～

💡網店物流小工具推介 - ShipAny

經營網店絕對唔簡單，除咗入貨重要之外，快速多元嘅出貨選擇都係致勝關鍵。面對顧客唔同嘅送貨需求，如果要逐間物流分開報價，耗時之餘成本亦都好高。另外每間物流公司，送貨嘅編號都有唔同格式。每當客人問到送貨嘅情況，要查核件貨喺邊，首先就要搞清楚究竟係邊間物流公司派送緊，然後先可以查到件貨去到邊。過程既繁複又容易搞錯。 YSD明白大家唔想因為出貨而影響顧客對自己嘅印象，所以有個智能物流平台想介紹畀用嘅大家。 ShipAny係一個一站式智能物流平台，佢整合咗多個熱門物流供應商，包括：順豐、嘉里快遞、Jumppoint、Lalamove、Zeek、新夏暉冷運、alfred24、香港郵政、Circle-K、UPS、新加坡郵政等。只需要透過ShipAny平台，就可以即時註冊、充值、對接多家物流供應商，實時比較各大物流供應商嘅報價，立即落單出貨！ ShipAny亦提供多個送貨地點及方式，包括工商送貨、住宅上門、便利店、郵局、智能櫃、自提點、即時點對點、國際快遞、國際郵政等物流服務；更提供冷運冰鮮、冷運急凍、餐飲外賣，為商户提供極多元化嘅物流選擇！無論Shopify、Wordpress或者任何網店平台，ShipAny都可以幫你實踐網店物流自動化。包括全自動提交運單、製作運單同追踪貨物。唔再需要人手提交到物流供應商系統、逐個地址填、更加唔需要逐間物流公司追踪貨物進度。即使係中小型網店，亦能享受一站式物流程序，達成網店物流自動化！係唔係好吸引呢？想幫自己嘅網店upgrade一下，安裝呢個實用嘅小工具，可以搵我哋YSD了解更多～

傳統SMS升級啦！🆙 短訊都可以SEND VIDEO? 📱

SMS(Short Message Service)同MMS( Multimedia Messaging Service)，相信唔少商戶都有接觸過，透過以手機發送文本、圖片等訊息畀用户，不但方便品牌宣傳最新優惠及促銷活動，更可令潛在客戶了解更多品牌最新消息！喺影片同短影片盛行嘅今天，又點可以被SMS同MMS嘅內容支援局限？下一頁，將為大家介紹集影音、圖像、位置服務於一身嘅RBM (Rich Business Messaging) 服務。一齊睇睇RBM嘅優勢係邊啦～內容豐富圖文並茂 RBM支援影音、圖像、文字、音樂等多種格式，特別適合用嚟推廣難以用文字及圖片描述嘅產品及服務，比傳統只有文字嘅SMS更具吸引力！商户亦可以透過RBM直接發送活動邀請函及QR Code門票等等，簡化用戶程序。觸及率高達90% 使用手機號碼精準投遞，不需要用戶另外下載Apps，在手機短訊收件箱即可展示，更支援URL追蹤，方便追蹤數據及檢視成效。超大容量高達1.9MB 1.9MB 超大內容容量，相等於係可以放到一條30-45秒高清影片，或者5張高清圖。可置入嘅內容較傳統MMS增量3倍多。結合營運商嘅大數據商戶可以精準投放宣傳內容畀營運商500萬以上嘅用戶。商戶更可根據目標市場、鎖定目標人群，精準投放，令廣告可以達致最大效益。想率先體驗如此強大嘅RBM宣傳服務？YSD而家更提供唔同嘅RBM推廣方案，例如幫助各行各業制定最適合嘅目標人群、內容設計等等。即刻聯絡我哋YSD啦！

關於HTTP vs HTTPS 的差異💡

唔知大家有冇發現，依家越嚟越多網站都係用 HTTPS 開頭，而唔再係HTTP 。如果你有網站，又想使用者可以安心瀏覽你嘅網站，避免畀安全警告騷擾，咁HTTPS對你嚟講就相當重要。 HTTP vs HTTPS HTTP 同 HTTPS 係標示網站資訊傳遞嘅方式。HTTP 全名係超文本傳輸協定（HyperText Transfer Protocol）嘅縮寫，而 HTTPS 嘅 S 係 Secure 嘅意思。兩者最大分別在於 HTTPS 對傳遞嘅內容進行加密，例如：使用者輸入嘅密碼、個人資料等等，令到惡意使用者無法係網站中竊取私隱。而 Google Chrome 由 Chrome68 版本開始，已經將 HTTP 開頭嘅網站列作「不安全（Not secure）」，更會彈出警示畫面，提醒使用者正在瀏覽嘅網站，資料有機會被窺探或盜用等，以增加使用者係網路使用嘅安全性。對 SEO 嘅影響同時 Google 宣佈 HTTPS 會列為影響搜尋排名嘅主要因素之一，對於搜尋引擎安全瀏覽嘅網站，就等同於給予使用者更加好嘅搜尋體驗，自然地以 HTTPS 開頭嘅網站會比 HTTP 網站嘅排名高。所以可以話幾乎無理由唔轉用 HTTPS，提提大家當轉換 HTTPS 嘅時候要注意使用 301 Redirect 幫網站搬到新網址，咁使用者就可以繼續搵到你嘅網站。

HTTP狀態碼你又知幾種？3種常見狀態碼你要知！

404 Not found 大家就見得多，但 HTTP 狀態碼又點止呢一種？唔講唔知 HTTP 狀態碼原來同SEO優化息息相關～想要網站係搜尋引擎中有個好排名，了解呢3種常見狀態碼可以幫到您～ 301 Redirect 網站永久搬家使用 301 Redirect 係將原有嘅網站遷移至新網域，遷移嘅唔單止係網站嘅網址、仲包括舊有網站嘅流量、頁面權、同搜尋排名。就好似人搬屋要登記返新住址咁，301 Redirect 就係通知返搜尋引擎網站最新嘅住址。 302 Redirect 網站暫時性轉移 302 Redirect 雖然都係將原有網站自動轉接到另一網站，但就唔會繼承埋原有網站嘅頁面權同搜尋排名。比較適合短期嘅網站改動，例如係限時宣傳 / 網站維護 / 語言轉換 / 同 A/B Test等。 404 Not Found 網站錯誤訊息當使用者到訪網站，但伺服器無法回應嘅時候，就會出現HTTP 404或者Not Found嘅錯誤訊息。404常見嘅原因包括，使用者入錯咗網址、網站死Link、網站搬咗但係無用到301Redirect返最新嘅網址、死Server等。雖然404錯誤訊息唔計入網站排名嘅一部分，但如果唔及時搵到錯誤嘅原因，都會導致網站被降權，長遠對網站產生負面影響。

Advertising

SEM、SEO個名咁似成日傻傻分不清😖？想知邊種對公司業務最有用👍🏻？

SEM 其實係 Search engine marketing 嘅縮寫，係搜尋引擎例如Google，要付費嘅搜尋結果。即係排喺搜尋結果頭幾列，隔離有標明廣告嘅搜尋結果。 SEO 係 Search engine optimization 嘅縮寫，係透過優化網站（無付費）嘅方式，滿足搜尋引擎嘅要求，而獲得喺搜尋結果中更高嘅排名。就咁聽落，好似SEO扺玩啲、SEM就遲啲再搞？其實又唔可以咁睇嘅‌～因為SEO同SEM相輔相成，可以嘅話就梗係Why Not Both～一般都會建議做咗SEM先，可以即時吸引到潛在客戶瀏覽你嘅網站，增加得到生意嘅機會，效果即刻見到。而SEO就慢慢再優化，因為SEO需要持之以恆，最少要 3 個月、甚至半年以上先會有機會上第一頁，所需要嘅人力、物力並唔會比做SEM便宜。所以，SEM係有營商需要，而SEO係為未來投資。兩樣都對公司業務有用，又點需要二擇其一呢。

同意Cookie🍪，其實同意了什麼？

相信大家對「同意在瀏覽本網站時使用 Cookie 嗎？」呢句句子都相當熟悉。好多時為咗唔想畀Cookie嗰通知阻住，我哋會快快手掀走、或者同意咗佢。但其實同意咗 Cookie，即係同意咗啲咩呢？我哋又應唔應該同意呢？雖然網站嘅Cookie就不可食用，但其實為我哋帶嚟咗好大嘅方便。Cookie 主要用途係暫存用家瀏覽網頁時所建立嘅使用行為，例如保存登入狀態唔使重新輸入密碼、記錄網上購物時放入購物車嘅產品、收到個人化嘅廣告。就咁聽落去大家可能會擔心會無晒私隱，但係大家又唔使太擔心嘅。好多科技巨擘都陸續淘汰大範圍蒐集用戶喜好嘅第三方 Cookie。雖然呢個措施對廣告產業係一個唔細嘅衝擊，但係保障用戶私隱安全亦都至關重要。由2018年開始，歐盟為咗保護境內外嘅公民嘅個人資料，定立通用資料保護規則（GDPR），所有會蒐集 Cookie 數據嘅網站都必需先徵得用戶同意。相信嚟緊大家就更加明白自己同意 Cookie，係同意咗啲咩啦～

【數碼營銷好幫手】營造流暢網購體驗，落單送貨話咁易🙌

網購已成日常港人消費新趨勢，要為客人營造流暢嘅網購體驗係不二法門。選購、下單、付款以至送貨安排，都唔可以輕視。 Shopify 係大多數香港商戶開網店使用嘅平台，若你嘅 Shopify 網店以順豐發貨為主，客戶選擇取貨地點時都會遇上難題，譬如忘記了附近順豐站嘅站點號碼，阻礙客人購物旅程。想令客人係購物過程順心又順利，不妨考慮於 Shopify 網店安裝順豐快遞接送點呢個應用程式。應用程式有四大賣點，分別係自動寫入順豐提貨點地址、自由啟用／停用不同順豐提貨點、門市自取功能、安裝簡易。自動寫入順豐提貨點地址首先程式會自動為客人填寫順豐提貨點地址，無需客人仔細查找、真正方便客人。自由啟用／停用不同順豐提貨點除咗方便客人，程式亦方便商戶，商戶可以自由選擇顯示香港或澳門嘅順豐提貨點，更可停用部分種類嘅提貨點，貼合你嘅需求。全新門市自取功能程式又提供全新嘅門市自取功能，節省客服人員為客人安排取件嘅時間成本。安裝簡易更重要係程式一鍵安裝、隨裝即用，適合所有模版，唔需要任何編程經驗亦可輕鬆大幅提升客人嘅網購體驗。除咗呢四大賣點之外，程式仲支持中、英雙語，為香港數碼營銷專門打造，想要了解更多可以到下面嘅 Shopify app store link 查看 https://apps.shopify.com/sf-express?locale=zh-TW&surface_detail=sf%20express&surface_inter_position=1&surface_intra_position=5&surface_type=search

RWD響應式網頁設計是什麼？

在人人機不離手的世代，手機的影響力自然不容怱視。根據 Google 的統計，將近68%或以上的網站瀏覽量是來自手機用戶，而且展望未來還有繼續上升的趨勢。如果你不想流失這些潛在客戶，就必需好好了解 RWD，可以如何讓你的網站在任何設備上也能提供最佳的視覺體驗。響應式網頁設計，英文是 Responsive Web Design（簡稱 RWD）又可稱為回應式網站設計，是指可以偵測使用者的裝置尺寸，並自動調整網站內容及排列方式，讓不同設備也可以正常瀏覽網站，是因應移動平台用戶而設的技術。那麼使用RWD響應式網頁設計的好處呢？| 開發成本低由於RWD只需一套程式碼便可跨平台使用，相對以住製作一個手機專用的網站，或開發手機 App 的做法，不僅大大節省開發時間﹑及兩個操作系統(iOS、Andriod) 的上架費用，最重要還可降低人力成本。更新效率高 RWD只需在一個網站後台更新，用戶便可同步瀏覽到最新的網站，既不需要在更新手機 App 程式後，經 App Store 或 Google Play 審核再上架；亦不再需要同時維護兩個網站，解決了電腦版與手機版的資訊不對稱的問題。提高網站觸及率 RWD的設計有利於網站的SEO，讓你的網站可以在搜尋引擎中突圍而出，獲得更高的排名。例如當使用者搜尋需要的服務或產品時，便更容易優先接觸到你的網站，大大提高網站的觸及率。

Advertising

Advertising